اليأس والصبر

يأسك و صبرك بين إيديك و انت حر

تيأس ما تيأس الحياه راح تــــــــمر

أنا دقت مندا ومندا عجبي لقيــــــت

الصبر مر و برضك اليـأس مـــــــر

عجبي !!


يا باب يا مقفول ... إمتى الدخول

صبرت ياما ... واللي يصبر ينول

دقيت سنين ... والرد يرجع لي : مين؟

لو كنت عارف مين ... أنا كنت أقول!

عجبي


ولدي نصحتك لما صوتي اتنبــــــــــــح

ما تخفش من جني و لا من شبـــــــــح

و ان هب فيك عفريت قتيل إسألـــــــــه

ما دافعش ليه عن نفسه يوم ما اندبح

عجبي !!


وقفت بين شطين علي قنطــــــــــــــــــرة

الكدب فين و الصدق فيـــــــــــن يا تري

محتار ح اموت .. الحوت خرج لي وقالي

هو الكلام يتقــــــــــــاس بالمســـــــــــطرة

عجبي !!!


لولا اختلاف الرأي يا محـــــترم

لولا الزلطتين ما لوقود انضرم

و لولا فرعين ليف سوا مخاليف

كان بيننا حبل الود كيف اتبرم ؟

عجبي !!!!


سلام سلام سلام سلام ... سلام

كلام كلام كلام كلام ... كلام

هز الورق يا صاحبي كدهــــوه

يطلع كلام سلام .. و سلام كلام

عجبي !!!!