نسي الفوطه

من طرف dr.marmar الأربعاء مارس 03, 2010 2:35 pm

نسي الفــــــــــوطــــــــــه....وناس واقفه بتتريأ ومبسوطه

وناس
تانيه بتستغرب ومنقوطه....ليه الدكتور نسي الفوطه

و هو يا
عيني كان واقف ....... ووشه أحمر ولا القوطه

و قال
ياجــــــــماعه سامحوني ....وقبل ما تيـــــــجوا تلوموني

تعالــــــوا
أحكيلكوا أنا حكايتي..... وبعديها إبقوا حـــــــاكموني

سنــــين
ضاعت في ثانــــــويه..... كفاح دامي وعــرق ودموع

وبعد
المعركـــــــــه الحــــاميه..... قدرت أنجح وأجيب مجموع

أخيراً
حلمنـــــــــــــــــا إتحقق .....هخش الطــــــــب وأدّكــــتر

رســـــــــــاله
جميله ومعـــاها...... مقام عالي وفلوس أكـــــــتر

و
جاتلي بطاقة الترشيـــــــــح...... فيها الطب اللي بحــــــلم بيه

بتاع
البوسته جابهــــــــــــالي ......وخدله حلاوه عشــــرة جنيه

في
أول يوم لـــــــــبست جديد ......وشلت البالطو رحـت لاقيت

زمايلي
إتحــشروا في مــدرج...... عامل ولا عــــــلبة الكبريت

ولكــن
برضه مايئستش

دخل دكتور قعد يشــــــــــرح .......كلام
كــــان صعب ولاتيني

و أنا متنـــح ومـــش فــــــاهم
......لاقيت النــــــــوم غلب عيني

و لسّه أنا برضه
مايئستش

و قلت مادام ضــــاع النظري...... هظبّــــــــط
نفسي في العملي

جريت عـ المشـــرحه بسرعه...... لكن
كالـــــــــعاده خاب أملي

دخلـــــت لاقـــيت
200واحد....... بيتخــــــــانقم على الجــــــثه

وناس
واقـــــــــفه من الزحمه ......على كتافـي ومـــــــش حاسه

و
لسّه أنا برضه مايئستش

و طبــــــعاً حسّوا بظــــروفنا
.......وحطّولنا إمتـــــحان فوازيـز

وكل أمّا آجي أحــل
ســـــؤال....... أقف أدّامــــــه زي الــــــزير

و لسّه
أنا برضه مايئستش

وجينا في لجنة الشـــــــــفوي.......
وكان أدّامي واد كــــــــــوسه

خد الـدرجـــــــات مـن
الدكتور..... وخد فوقهـــــــم كــمان بوسه

دخلت انا قام
مكـــــــــشرلي ....... ومن أولــــــــها عقــــــــدني

سألني
سؤال... ماردّيتشي........... خبطني الزيرو وطــــــردني

و
لسّه أنا برضه مايئستش

سنه بتمشــي وســــنه بتيجي
........مقـــالـــب بعـــدها مقــــــالب

زمايلي إتعينوا و
قبـــــــضوا .......و أنا شايـــــل لـــــــقب طالب

و
لسّه أنا برضه مايئستش

كبـــــــرنا شـــويه
وقــــالولنا....... خلاص دلوقتي شوفوا حالات

و رحنـــــــا
نشوف وكالعاده........ دا كله بيطلع إشتــــــــــغالات

و
لسّه أنا برضه مايئستش

بشوف الشاب من ســــــــني........
واقـــــــــف ويّا البنات مرتاح

و لــــو عديـــــت أنا
يقولــوا........ راح الدحّـــاح .....جه الدحّاح

و لسّه
أنا برضه مايئستش

لحد ماخلصم السبــــــــــــعه
........وقلت خلاص هروق وهعيش

و قبل ما أفوق من
الصــدمه........ خدوني عشان أخـــش الجيش

و لسّه أنا برضه
مايئستش

وقعت هناك في إيــــد ظابط ........ظغرلي وقال يا
بســـــــــكوته

أحب أبـــــــــــشرك إنــــــك
........معـــــــايا هتطـــــــفح الكوته

و لسّه أنا برضه
مايئستش

خلااااص السبعه بقوا عشرة........ ولسه أنا ماشي
جنــب الحيط

و بان السن علــــــــى وشي ........و شعري
إبيـــّض و إصلعيت

و لسّه أنا برضه مايئستش

وبعد
ما قـــــلت كــــــــفاره ........خلاص هرتاحلى بقى كام يوم

لاقيتهم
تـــــــــانــي واخدنّي .......عشان تكليـــــــــفي في السلوم

و
لسّه أنا برضه مايئستش

و قلت هنـــاك هآخد قرشين........
آكل منهم و أجيـــــــــب لبسي

فوجئـــــــت يا عيني بمرتب
.......يادوب مايقضــــــنيش شيبسي

و لسّه أنا برضه مايئستش

و
بعد الـــعمر دا كـــــــــــله .......رمــــــوني في وحـــده صحية

نسيت
الطب أنا فيـــــــــــها ........وبقــــــــيت زي الترمــــــجيه

و
لسّه أنا برضه مايئستش

و آديني بعيش وهعمل أيـه؟؟........
ماليــــــــش ولا قوه ولا حولا

وحيد غلبان وحتى مافـــيش
........جـــــواز علـــى نفــــقة الدوله

و لسّه أنا برضه
مايئستش

قام الدكتور صعب عـ الناس....... و فــــــضلم
يـــبكوا على حاله

و حتى الفوطة نســــــــيوها........
ولمّوا فلــــــــــوس وسابوهاله

و قال دكتورنا عـ
الفوطــــه........ تعــــــالوا هشـــــيلها أنا بكرة

لكن
أهل المريض قالــــــوا........ خلاص........ سيبهالنا للذكرى

منقوووووووووووووووول

من طرف **Admin** الأربعاء مارس 03, 2010 3:41 pm

شكرا ًًًً

من طرف بنوتة مصرية الأربعاء مارس 03, 2010 3:55 pm

حسبى الله ونعم الوكيل

من طرف eng/mostafa abd el_gawad الخميس مارس 04, 2010 12:50 am

انا كنت عاوز اقول كويسه
بس هرجع اقول كوسه
انا كنت بسمع عن الطب انه كلية الخمسه عين
ع:عربيه
ع:عروسه
ع:عماره
ع:عزبه
ع:عياده
بس الظاهر اصبح غير كده
الدينا قلبت حواجبها
وبقت تكشر للكل
وربنا يسطر

من طرف dr.marmar الخميس مارس 04, 2010 5:14 am

لا يا باشمهندس الحقيقه هى
الحمد لله المدرجات واسعه و اماكن كتييييير فاضية
الجثث كتييير بس معظمها قديم
الدكاترة دايما يشجعونا و بيعاملونا بمنتهى الادب و يحسسونا بالمسؤليه اننا فى ايدينا حياة بشر
الطب سبع سنين و نص ربنا يقللهم
يعنى البنت يبقى عندها24 سنة على الاقل يعنى هتكشف على ولاد زمايلها اول ما تتخرج
بالنسبه للصبيان المشوار اطول عشان الجيش يعنى 27سنة يا عينى
غير كده ان الدكتور حديث التخرج مش بيبقى عارف حاجه
ده غير لسه كمان 10 سنين تقريبا للدكتوراه والماجستير و طبعا ده اجبارى عشان التخصص
يعنى علشان الواحد يبقى دكتور حقيقى قدامه17 سنه يعنى 37 للصبيان و 34 للبنات
ده غير انه لازم يكون متابع كل جديد فى عالم الطب
يعنى الواحد يقضى عمره يذااااااااااااااااكر
يعنى حياته بين النت والكليه والعياده والمستشفى
يعنى مش عنده وقت للبيت ان كان متجوز اصلا
يعنى اللى نفسه يبقى دكتور او اللى عايزه تتجوز دكتور يبقوا غلطانين و معذورين لانهم مش عارغين ايه النظام انا عن نفسى رافضه الفكره دى
بس فى النهايه هى خدمه انسانيه و ربنا معانا

من طرف **الليثى&سعيد** الخميس مارس 04, 2010 8:29 am

انا لله وانا اليه راجعون
انت اكيد فى مصر
مصر مصر مصر
عاوزه ايه تانى منى
شبابى ضيعتيه
املى حطمتيه
شكلى غيرتيه
عمرى ضيعتيه

حسبنا الله ونعم الوكيل

من طرف eng/mostafa abd el_gawad الخميس مارس 04, 2010 10:28 am

على فكره يادكتوره
الطب مهنه جميله جدا بس لليضحى
يعنى الشاب ال بيدرس طب بالمره يعدى يجيب كفنه وخشبته
يعنى الشىء لزوم الشىء
بعد 37سنه هيسنى ايه تانى
ده احنا عندنا 3 سنين جيش بعد الخمس سنين فى الكليه
وذى ما كون ما فيش فى الدنيا ال احنا ال بنذاكر
الواحد لو ماشى فى الشارع وشايل كتاب بيخبه
نعمل ايه كل واحد يقابلنا يقول انت لسه بتذاكر
ذهقت من الكلمه دى

من طرف eng/mostafa abd el_gawad الخميس مارس 04, 2010 10:42 am

ايه يا ليثى انت بقيت شاعر فى الكوارث ولا ايه
ربنا يقويك
بس خل بالك من نفسك
انت بتتكلم كلام جامد
ممكن تروح عند بتوع يا:::::::::انت عارف
ههههههههههه
بس انت يا بنى انا استنتك امبارح كتير ما جتش ليه انت كنت فين
على العموم عدى عليا النهارده بعد صلاة العشا
سلام

من طرف dr.marmar الجمعة مارس 05, 2010 2:45 pm

[quote="eng/mostafa abd el_gawad"]على فكره يادكتوره
الطب مهنه جميله جدا بس لليضحى
يعنى الشاب ال بيدرس طب بالمره يعدى يجيب كفنه وخشبته
يعنى الشىء لزوم الشىء
بعد 37سنه هيسنى ايه تانى
ده احنا عندنا 3 سنين جيش بعد الخمس سنين فى الكليه
وذى ما كون ما فيش فى الدنيا ال احنا ال بنذاكر
الواحد لو ماشى فى الشارع وشايل كتاب بيخبه
نعمل ايه كل واحد يقابلنا يقول انت لسه بتذاكر
ذهقت من الكلمه دى

التضحيه جامده جدا جدا ربنا معانا

نسي الفوطه

نسي الفوطه

رد: نسي الفوطه

رد: نسي الفوطه

رد: نسي الفوطه

رد: نسي الفوطه

رد: نسي الفوطه

رد: نسي الفوطه

رد: نسي الفوطه

رد: نسي الفوطه